District Election Officer Khawzawl, Government of Mizoram, India

ELECTORAL ROLL CONTINUOUS UPDATION CHUNGCHANGA HRIATTIRNA

Election Branch, Khawzawl Deputy Commissioner’s Office-ah Electoral Roll-a lut thar duh, insawn duh, inpaih duh, hming leh thildang dik lo siamtha duhte tan Continuous Updation kalpui mek a ni a. Hetiang mamawhte chuan bialtu Booth Level Officer (BLO) hnen atanga form lachhuakin, uluk taka fill up a, BLO sign tir hnuah DC Office-ah ken thin tur a ni.

Continuous updation form hrang hrangte:
i) Form 6: Electoral Roll a lut thar turte leh, Assembly Constituency dang atanga insawn turte tan.
ii) Form 7: Electoral Roll atanga hming paihna leh hming thun tur object na
iii) Form 8: Electoral Roll-a hming leh thildang dik lo siamthatna.
iv) Form 8A: Assembly Constituency pakhat chhunga hmun danga insawnna.
Electoral Roll-a inthun thar (First time voter) dil te chu 1^st January, 2003 emaw, a hmalam emaw a piang an ni tur a ni.
Form 6 emaw, Form 8A emaw hmanga insawn dil te chuan an chhuahsan tur bialah Form 7 hmanga inpaih dil tel loh tur a ni. Form 7 zawk hi process hmasak a nih chuan Electoral Roll atanga paih a nih phah thei.
Form 6 hmanga Constituency danga insawn dil te chuan dilna form-ah ‘due to shifting from another constituency’ tih thai (tick) zel tur a ni.
Form 7, 8 leh 8A hmanga update dil te chuan Voter ID/EPIC ken tel a, Election Branch-ah surrender zel tur a ni.
Dilna form hrang hrangah hian a tulna hmun apiangah BLO te kaihhruainain Passport size photo fiah tha tak, House No., biakpawh theihna phone number, EPIC leh information tul dangte uluk leh tha taka dahkhah thin tur a ni.