District Election Office, Khawzawl District chuan Electoral Roll a lut thar duh, dik lo siamtha duh, inpaih duh, insawn duh etc. te tan Electoral Roll siamthat hna a kalpui mek zel a. Office of the Chief Electoral Officer, Mizoram lehkha No.H.11011/2/2018-CEO dt. 11.06.2021 in a tarlan angin, January ni 20, 2021 a Final Electoral Roll tlangzarha vote nei thar leh, Constituency dang atanga rawn insawn te zingah hming, nu/pa hming, date of birth leh thildang dik lo a awm chuan a hnuaia tarlan ang hian siamthat dil theih a ni e.
- Booth Level Officer (BLO) kaltlangin:
- Bialtu BLO hnen atanga Form 8 lachhuakin, siamthat duh lai chiang taka ziah lan a, BLO sign tir hnuah Election Branch, DC office-ah thehluh tur a ni.
- Form 8-a siamthat tur tarlan chu a dik ngei tih tichiang thei tur document thiltel tur a ni.
- Form 8 bakah hian Voter ID/EPIC ken a, Election Branch-ah hian surrender zel tur a ni.
- Electoral Registration Officer (ERO) kaltlangin:
- Electoral Registration Officer, Tuichang Assembly Constituency hnenah Electoral Roll-a siamthat ngai lai chiang taka tarlangin lehkha thehluh theih a ni.
- ERO hnena lehkha thehluha siamthat tur tarlan chu a dik ngei tih tichiang thei tur document thiltel tur a ni.
BLO kaltlang emaw, ERO kaltlang emaw a dilna lo lut chu ERO in Form 6 nen khaikhinin a endik ang a, a pawm hnuah siamthat tur a ni. Electoral Roll-a dik lo awm chu office-a thawkte’n ERONet-a an thun dik loh vang a nih chuan siamthat diltu tan pawisa chawi a ngai lo ang.
Sd/- ZOTHANMAWIA
District Election Officer
&
Deputy Commissioner
Khawzawl District, Khawzawl
