KHAWZAWLAH A TUM THUMNA ATAN CANDIDATE EXPENDITURE ENDIK
Khawzawl, 4th November 2023: Vawiin khan Khawzawl DC Meeting Hall-ah 22-Tuichang (ST) A/C Expenditure Observer Pu Shridar Dora hovin a vawi thumna atan Tuichang biala Candidate pali te inthlan senso endikna hun neih a ni.
He hunah hian Expenditure Observer bakah Expenditure Monitoring Team Nodal Officer Pu Lalfakzuala, Assistant Expenditure Observer Pu C.Lalngura, Accounting Team member te bakah Candidate Expenditure Agent te an tel a. Endiknaah hian Candidate te account bu (Day to Day Account) leh Accounting Team-in an vawn ‘Shadow Observation Register’ te chu endik a ni.
Kumin Inthlanpui atan hian Election Commission of India chuan candidate tinin campaign sensovah cheng nuai sawmhnih pariat (₹ 28,00,000/-) thleng an hman a phalsak a. Endikna hi inthlan hmain ṭum thum buatsaih tur a ni a, a ṭum khatna hi October ni 26, 2023 khan buatsaih a lo ni tawh a, a tum hnihna hi October ni 31,2023 khan neih a ni
 |  |  |
 |  |  |
 |  |  |
 |  |  |
