Khawzawl District-ah tluang takin vote chhiar zawh a ni

2938/2023-2024

Khawzawl, 4th December 2023: Mizoram Legislative Assembly Inthlanpui November ni 7 a neiha Khawzawl District chhunga Assembly Constituency awmchhun 22-Tuichang (ST) AC a vote tla te chu vawiin khan Khawzawl DC Conference Hall-ah tluang taka chhiar zawh a ni.

Zing dar 8 atangin Postal Ballot chhiar tan a ni a, Zing dar 08:30 ah Electronic Voting Machine-a vote tla te chhiar tan a ni thung. Vote chhiarna dawhkqn hi 14 ruahman a ni a, Polling Station 28-a vote tla te hi thawhnihah chhiar zawh a ni.

22-Tuichang bialah hian Vote 17,605 ( Service vote 97 chhiar telin) a awm a, vote 14,426 tlain; vote 14808 a nung a, vote 17 a thi a ni.

22- Tuichang biala Candidate te vote hmuh dan chu hetiang hi a ni.

1. W. Chhuanawma (ZPM) - 6988

2. Tawnluia (MNF) - 6079

3. C. Lalhriatpuia (INC) - 1674

4. Lalhmunsiami (IND) - 67

5. NOTA - 50

22-Tuichang bialah hian Pu W. Chhuanawma (ZPM) chu thlan tlin a ni a, Returning Officer Pu K. Lalrohlua’n 'Certificate of Election' a hlan nghal a ni.