Khawzawl, the 28th September, 2021

Vawiin chawhma dar 11:00 khan Multipurpose Hall, Government Khawzawl College-ah Election leh Election kaihhnawih thil chi hrang hrang inzirtirna tur Electoral Literacy Club (ELC) din a ni a, he hun hi Pu H. Lalramenga, Election Officer, Khawzawl District chuan khuallian niin a hmanpui.



 

ELC dinna puala hun hmanah hian Pu H. Lalramenga chuan thu sawiin, voter thalai leh naupang zawkte zingah Election leh Electoral Process chungchang chu a sawi a sawi emaw, ngaihthlak emaw mai ni lo a, a tih a tih hmanga an inzirtirna atan ELC chu din a ni a ti a. A bik takin Election kaihhnawih topic hrang hranga Debate, Presentation leh group discussion te nei thin turin a chah a ni. Electoral Roll ennawnna Summary Revision kalpui mek a ni tih sawiin, Elecoral Roll-a la inziaklut lo leh siamthat duh neite chu he hun hmang tangkai theuh turin a sawm a, Summary Revision kalphunga hriattur pawimawh hrang hrang a sawi nghal a ni.

 

Pu Zothanmawia, President, ELC kaihhruai programme-ah hian Khawzawl Election Officer chuan sawi chhunzawmin, Systematic Voters Education and Electoral Participation (SVEEP) kaltlangin Election kaihhnawih hriat tur pawimawh chi hrang hrang puanzar thin a ni tih a tarlang a. ELC memberte leh Govt. Khawzawl College zirlai naupang zawng zawngte chu thawhhopuiah a sawm nghal bawk a ni. 

 

Govt. Khawzawl College-a ELC dinna hunah hian Pu R. Lalrintluanga, Principal, Government Khawzawl College leh Pu K. Lalkulhpuia, Assistant Professor & ELC Nodal Officer ten thusawina hun an nei bawk a ni. 

 

Electoral Literacy Club ah hian College zirlai mi 80 (sawmriat) an inziaklut nghal a. Electoral Roll-a chuang tawhte zing atangin Executive Committee pawh a hnuaia tarlan ang hian ruat nghal a ni:

 

Chairman             :         K. Lalkulhpuia, Assistant Professor and Nodal Officer, 

                                      Electoral Literacy Club

President              :         Zothanmawia, V-Semester, BA

General Secretary :         Lalruatsangi, III-Semester, BA

Asst. Secretary     :         Nicky Rodingliana, V-Semester, BA

Finance Secretary :         Lalnunsang, V-Semester, BA

Treasurer              :         Lalthlangmawia, V-Semester, BA

 

ELC dinna hunah hian District Election Office atangin Pu Lalrammawia, LDC leh Pu Lalrinawma Kholhring, Data Entry Operator te an tel a ni.


Written by H. Lalramenga, Election Officer/SDC, Khawzawl District

Attachment